Vinsældir blómkáls-pizzunnar virðast engan endi ætla að taka enda hentar hún vel fólki sem heldur sig við KETÓ vænan lífsstíl. Þessi uppskrift er bæði einföld og einstaklega bragðgóð.
3 dl soðin blómkálsgrjón
1 dl rifin parmesan ostur
1 egg
Ítalskt pasta krydd
Salt og svartur pipar
Hráefnunum öllum vel blandað saman. Mikilvægt er að grjónin séu vel þurr og helst ná að kreista hvern einasta vatnsdropa úr grjónunum. Gott að nota hreint þurrt stykki og láta grjónin í miðjuna á stykkinu og vefja saman og snúa vel upp á og ná hverjum dropa úr.
Þá er að móta pizzabotn á ofnplötu. Best er að hafa bökunarpappír undir. Botninn er bakaður þangað til hann nær gylltum lit. Eftir það er hann tekinn út úr ofninum og áleggi eftir smekk bætt ofan á pizzuna.
Pizzan fer svo aftur inn í ofn og er bökuð þangað til osturinn er bráðinn. Svo er auðvitað um að gera velja sitt uppáhalds álegg á pizzuna sína.