Nýr borgari hefur bæst við matseðil Burger King á 59 stöðum í St. Louis í Bandaríkjunum. Það sem gerir borgarann ólíkan öðrum er að hann er búinn til úr plöntum.

‚Impossible Whopper‘ heitir borgarinn og smökkuðu nokkrir viðskiptavinir hann, án þess að vita úr hverju hann væri. Viðskiptavinirnir höfðu ekki hugmynd um að þetta væri ekki kjöt og voru mjög hissa þegar þeir heyrðu sannleikann.

„Þú ert að fokking grínast?“ Sagði einn.

Starfsfólk staðarins átti einnig erfitt með að greina Whopper plöntuborgarann og Whopper kjötborgarann í sundur.

„Við sjáum að við þurfum ekki að minnka gæðin og það eru margir kostir við borgarann,“ segir markaðsstjóri Burger King við New York Times.