Þegar maður hugsar um þyngdartap, þá hugsar maður ekki beint um djúpsteiktan kjúkling á KFC. Hvað þá með að borða ekkert nema KFC í heila viku. En Mike Jeavons ákvað að slá til og deildi tilrauninni á YouTube.
Mike elskar djúpsteiktan kjúkling og hann vildi gera minni útgáfu á vinsælu heimildarmyndinni, Supersize Me, þar sem Morgan Spurlock borðaði ekkert nema McDonalds í heilan mánuð.
Í sjö daga fór Mike á KFC og borðaði að meðaltali um 2000 kaloríur af KFC á dag. Og í lok tilraunarinnar þá léttist hann um tæplega kíló.
En ekki láta þær tölur plata ykkur. Hann innbyrti yfir 150 prósent af ráðlögum skammti af salti, og fitu inntaka hans hækkaði um 250 prósent.
„Ég elska KFC og ég vildi athuga hvort ég elskaði það áfram eftir að hafa bara borðað það í heila viku,“ segir hann.
„Vikuna eftir tilraunina var ég stanslaust þyrstur og með hausverk, og ég virkilega saknaði KFC! Það var mjög gaman að borða svona mikið af skyndibitamat. Ég hlakkaði til að borða á hverjum degi,“ segir Mike.
„Þetta er frábært sem einstaka máltíð, en ekki eitthvað sem ég mæli með að borða á hverjum degi. Þetta var gaman en ég mundi ekki vilja gera þetta aftur.
