Skötuhlaðborðið hjá Bryggjunni Brugghús hefur slegið í gegn undanfarin ár. „Það er mikil tilhlökkun í liðinu í ár enda er alltaf stórskemmtileg stemning í skötutjaldinu okkar,“ segir Elvar Ingimarsson hjá Bryggjunni Brugghúsi.
„Skatan kemur að vestan og er alveg fyrsta flokks skata. Við erum með milda skötu, miðlungs kæsta og svo vel kæsta skötu fyrir þá allra hörðustu. Meðlætið er með hefðbundnu sniði og er meðal annars kartöflur, rófur, gulrætur, hamsatólg og dýrindis rúgbrauð. Einnig er saltfiskur í boði sem og fjórar gerðir af síld. Þá er, bláberja- og ipa-bjórsíld, sinneps- og whisky-síld, karrísíld og svo maríneruð síld.“
Et, drekk og ver glaðr!
„Skötuhlaðborðið verður haldið í upphituðu skötutjaldinu okkar, á bryggjunni á útisvæðinu okkar. Þarna myndast alveg óviðjafnanleg stemning. Hér koma saman vinir og fyrirtækjahópar, þá sérstaklega úr nágrenninu. Í hádeginu báða dagana verða skemmtiatriði. Sunnudaginn 22. des. verður lifandi djasstónlist og á Þorláksmessu verður harmonikkuspil. Þá er sko etið, drukkið og haft gaman.“
Það er svo fátt sem passar betur með skötunni en jólalegur léttbjór, en jólin eru að sjálfsögðu mætt á barinn hjá Bryggjunni Brugghúsi. „Einnig hafa kokteilbarþjónar okkar sett saman girnilegan jólakokteil sem er gaman að smakka fyrir eða eftir mat, eftir því sem hentar.“
Verðið kemur skemmtilega á óvart
Skötuhlaðborðið stendur til boða dagana 22. og 23. desember frá kl. 12-21. „Það ættu því allir að geta komist í skötu hjá okkur. Skötuhlaðborðið hefur verið afar vinsælt hjá okkur undanfarin ár og í fyrra var alveg fullbókað hjá okkur. Það er því vissara að panta ef ætlunin er að koma í skötu til okkar.“ Verðið kemur svo skemmtilega á óvart enda er það ekki nema 2.690 kr. á mann.
Tekið er við pöntunum á vefsíðunni bryggjanbrugghus.is eða með vefpósti á booking@bryggjanbrugghus.is.
Girnilegt jólahlaðborð í hádeginu
Inni á vetingastaðnum er hefðbundinn matseðill í boði og fyrir þá sem eru ekki mikið skötufólk, en langar að vera með í fjörinu úti í tjaldi, er hægt að panta mat af veitingastaðnum. „Samhliða skötuhlaðborðinu og hefðbundinni starfsemi erum við með jólabröns hlaðborðið okkar, alla daga fram að jólum, frá kl. 12-15. Hlaðborðið er hlaðið ýmsu hátíðlegu ljúfmeti sem kitlar jólabragðlaukana. Í forrétt er í boði síldin okkar víðfræga, bæði bjórgrafinn og reyktur lax, tvíreykt lamb, jólaskinka og girnilegar sósur og meðlæti eins og eplasalat og sætkartöflusalat. Að auki er í boði vegan valkostir eins og buffaló blómkál og sveppa paté.
Eins og hefðbundnum bröns sæmir er að sjálfsögðu í boði ýmsir eggjatengdir réttir, beikon, pylsur og tilheyrandi meðlæti. Að auki er svo rauðspretta og heit lifrakæfa.
Eftirréttirnir eru svo ekki af verri endanum en meðal þess sem er í boði er Ris a la mande, Berlínarbollur, skyrdessert, ávextir og ostar, kökur og annað góðgæti.“
Nánari upplýsingar má nálgast á vefsíðunni bryggjanbrugghus.is
Bryggjan Brugghús, Grandagarði 8, 101 Reykjavík.
Sími: 456-4040
Vefpóstur: booking@bryggjanbrugghus.is
Facebook: Bryggjan Brugghús
Instagram: @bryggjanbrugghus