Íslendingar hafa sjaldan verið jafn uppteknir af heilbrigðum lífsstíl og nú, sem endurspeglast í gríðarlegri aukningu á sölu áfengislausra drykkja. Nú berast þær fréttir að einn virtasti handverksframleiðandi Evrópu, To Øl, sé mættur með sína vinsælustu línu í íslenskar matvöruverslanir.

Þeir sem fylgjast með bjórmenningunni ættu að kannast vel við nafnið To Øl. Þetta danska fyrirtæki, sem hóf göngu sína í bílskúr í Kaupmannahöfn árið 2010, er í dag eitt virtasta handverksbrugghús heims. Fram að þessu hafa áfengislausu bjórarnir úr Implosion-línunni þeirra aðallega sést á fínustu veitingastöðum landsins, á borð við Dill og Skál, en nú geta bjóráhugamenn nálgast þá í næstu verslun.

Bragðið í fyrirrúmi 

Það sem gerir Implosion-línuna einstaka er bruggunaraðferðin sjálf. Flestir áfengislausir bjórar eru bruggaðir sem venjulegir bjórar þar sem áfengið er síðan soðið úr eða eimað frá , sem getur haft veruleg áhrif á bragðgæðin og fyllinguna.

To Øl fer aðra leið. Implosion er hannaður frá grunni sem áfengislaus bjór þar sem bruggunin er stöðvuð náttúrulega við 0,3% eða 0,5%. Með þessu móti varðveitist karakterinn, ferskleikinn og dýptin í bragðinu. Þetta er bjór fyrir fólk sem elskar bjór, en vill sleppa áfenginu.

Hin fullkomna tvenna: IPA eða Lager?

Innreið To Øl í íslenskar verslanir þýðir að úrvalið af vönduðum áfengislausum valkostum tekur mikið stökk. Í fyrstu atrennu eru það tvær ólíkar tegundir sem munu prýða hillurnar:

• Implosion IPA: Léttskýjaður þar sem suðrænir ávextir og sítrustónar ráða ríkjum. Þetta er flaggskip To Øl  sem hefur slegið í gegn um allan heim og er fullkominn valkostur fyrir þá sem vilja kraftmikinn karakter án áhrifanna.
• Implosion Lager: Stökkur, tær og svalandi. Hér er um að ræða klassískan lagerbjór með frábæru jafnvægi á milli maltsætu og hóflegrar beiskju. Hann er kjörinn drykkur með mat, eftir vinnu eða sem ferskur svaladrykkur eftir góða æfingu.

„Ekki lengur spurning um að sleppa því að drekka“

Neysluvenjur hafa breyst mikið á síðustu árum. Það er ekki þar með sagt að allir séu hættir að drekka, heldur velur fólk óáfenga valkosti við mun fleiri tækifæri en áður. Munurinn í dag er hins vegar sá að neytendur sætta sig ekki lengur við bragðlaust „bjórlíki“. Þegar fólk velur óáfengt, þá vill það fá almennilega vöru.

Þessi þróun er komin til að vera; þetta snýst ekki um að „sleppa því að drekka“, heldur um að njóta lúxusvöru sem stendur fyllilega undir nafni, hvort sem þú átt leið undir stýri eða vilt einfaldlega vakna ferskur og tilbúinn í daginn.

Hvar fást Implosion bjórarnir?

Góðu fréttirnar eru þær að nú er hægt að grípa Implosion með í innkaupakörfuna. Bjórarnir eru þegar komnir í sölu í helstu verslanir Krónunnar ogHagkaupa ásamt Melabúðinni.

Slepptu áhrifunum, ekki bragðinu.

Hér getur þú lesið nánar  um vöruúrval To Øl