Ísfrost ehf. er innflutnings-, sölu- og þjónustuaðili á öllum gerðum kælibúnaðar og nær saga þessa rótgróna fyrirtækis alla leið aftur til ársins 1994. „Við þjónustum nánast allt sem viðkemur kæli- og frystikerfum ásamt því að smíða sérsniðnar lausnir með stuttum fyrirvara. Starfsmenn Ísfrosts búa yfir yfirgripsmikilli þekkingu og áratuga reynslu og leggja sig fram við að veita ætíð bestu þjónustu sem völ er á. Við eru líka stolt af því að síðastliðin þrjú ár hefur Ísfrost verið í hópi Framúrskarandi fyrirtækja,“ segir Þorsteinn T. Ragnarsson, sölu-og verkefnastjóri Ísfrost.
Framtíðin í kælikerfum liggur í koltvíoxíðinu
Á síðastliðnum þremur árum hefur nýr kælimiðill verið að ryðja sér til rúms hér á landi. Um er að ræða CO2-kælikerfi sem keyra á koltvíoxíði í stað eldri kælimiðla, eins og freons. „Kostirnir við nýju CO2 –kerfin eru ótal margir umfram gömlu kerfin. Þó svo að upphafskostnaðurinn á nýju CO2-kælikerfunum sé örlítið hærri en á eldri gerðunum, þá eyða þau mun minna rafmagni og eru því ódýrari í rekstri en eldri kælileiðir. Þar af leiðandi borga nýju kerfin fljótt upp mismuninn í upphafi með lægri rekstrarkostnaði. CO2 er þar að auki 100% náttúruleg og umhverfisvæn kælileið og þegar upp er staðið er þetta mun öflugri kælimiðill en þeir eldri.“
CO2-kælikerfin hafa verið algengur valkostur í Evrópu síðustu 10–15 ár og reynst þar gríðarlega vel. „Nú þegar höfum við sett upp CO2-kælikerfi í fjórum Bónusbúðum og erum að vinna að því að setja upp sams konar kerfi í Stjörnugrís á Kjalarnesi. Í öllum tilfellum hafa CO2-kerfin reynst afar vel þar sem við höfum sett þau upp. Þetta er klárlega framtíðin í kælikerfum.“
CO2-kælikerfin sem Ísfrost býður upp á eru frá sænska fyrirtækinu Green & Cool. Kerfin sjálf eru framleidd í Frakklandi. „Við erum í góðu samstarfi við Green & Cool í Svíþjóð og getum boðið viðskiptavinum okkar upp á sérsniðin kælikerfi fyrir hvaða starfsemi sem fyrirhuguð er.“
Fjölbreytt þjónusta
Ísfrost er með allar gerðir af kælikerfum fyrir hvers konar starfsemi. „Hvort sem þig vantar loftkælingu í tölvurýmið eða varmadælu í sumarbústaðinn, þá erum við með lausnina. Við erum stórir í innflutningi og sölu á frysti- og kæliklefum í öllum stærðum og gerðum og getum útvegað flestallt eftir óskum viðskiptavinarins. Þá þjónustum við mikið kælikerfi fyrir flutningabíla og erum umboðsaðili fyrir Thermo King sem er einn sá stærsti á markaðnum í kælikerfum fyrir bíla.“
Nánari upplýsingar má nálgast á vefsíðunni isfrost.is
Funahöfði 7, 110 Reykjavík
Sími: 577-6666
Tölvupóstur: isfrost@isfrost.is
Facebook: Ísfrost