Protektor-þakrennur eru þýsk hágæðavara og þær beyglast hvorki né ryðga. Þær eru framleiddar úr pvc-plasti og láta ekki á sjá í rysjóttri, íslenskri veðráttu. Þessar viðhaldsfríu þakrennur þola UV-geisla og eru höggþolnar, þær hafa verið þolprófaðar. Rennurnar eru framleiddar samkvæmt DIN-staðli og passa því inn í flest gömul rennustæði.

Þ.Þorgrímsson hefur selt Protektor-þakrennur í um tíu ár en þessi vara hefur verið á markaðnum í Þýskalandi í um þrjá áratugi. „Þær líta bara út eins og nýmálaðar hvítar rennur og eru alltaf fallegar að sjá,“ segir Þorgrímur Þór Þorgrímsson hjá Þ. Þorgrímsson.

Protektor-rennurnar eru til sölu í verslun fyrirtækisins að Ármúla 29. Verslunin er opin virka daga frá kl. 8 til 18. Protektor-þakrennur eru á hagstæðu verði og ávallt til á lager.

Laufgildrur koma í veg fyrir skemmdir

„Við erum með sýningarrennu hér á staðnum og því geta viðskiptavinir séð alla fylgihluti. Þar ber hæst laufgildrur sem eru mikið þarfaþing. Það er hvimleitt vandamál varðandi þakrennur í dag að þær fyllast af laufi sem fýkur á haustin. Svo liggja laufin í skjóli rennunnar sem fyllist af þeim, síðan frýs í þessu og skemmdir verða á rennunni, blikkrennur beyglast og plastrennur brotna. En laufgildran liggur á rennunni eins og net yfir henni, þar lendir laufið, það þornar í fyrstu sólarupprás og fýkur síðan burtu. Rennan er því alltaf hrein og fín,“ segir Þorgrímur.

Laufgildrurnar er hægt að kaupa sér fyrir Protektor-rennur en þær er geta mögulega passað á aðrar þakrennur með sama sniði og Protektor-rennurnar. Er gildran þá einfaldlega klippt til svo hún passi á viðkomandi þakrennu en breidd á rennum er mismunandi.

Sjá nánar á vefsíðunni thco.is. Komdu við í Þ. Þorgrímsson að Ármúla 29, fáðu faglega ráðgjöf og nánari upplýsingar um framúrskarandi Protektor-þakrennur og laufgildrur.