Betra Grip er öflugt fyrirtæki sem starfrækir smurþjónustu og sinnir viðgerðum og dekkjaþjónustu ásamt heildsölu.
Betra Grip er umboðs- og söluaðili fyrir Bridgestone á Íslandi, en undir Bridgestone eru dekkjaframleiðendurnir Bridgestone, Firestone, Siberling, Dayton og Bandak. Bridgestone og Firstone framleiða dekk undir allar tegundir farartækja meðan vörulína Siberling og Dayton afmarkast við algengustu fólksbíla- og vörubíladekk. Bandak sér um að sóla dekk.
Frábær valkostur fyrir íslenskar aðstæður
Betra Grip hefur til sölu hin vinsælu loftbóludekk frá Bridgestone. Loftbóludekkin eru framleidd undir merkjunum Blizzak, DM-V2 og WS80. Blizzak er í raun vetrarlína frá Bridgestone og þar undir eru fjölmargar mynsturtegundir og gúmmíblöndur. DM-V2 og WS80 eru línur sem ætlaðar eru fyrir aðstæður sem svipar til aðstæðna á Íslandi. Dekkin eru góð í snjó og hálku, bæði þurri og blautri. Mjúkt míkróskorið gúmmíið gerir það að verkum að það grípur vel í snjóinn og þurru hálkuna. Loftbóluáhrifin draga til sín raka og hjálpa mjúka gúmmíinu að ná gripi á blautum ís. Þau eru rásföst og þægileg keyrsludekk og henta einstaklega vel sem heilsársdekk þar sem hitamunur á vetri og sumri er ekki svo mikill á Íslandi.
Blizzak loftbóludekkin skora vanalega mjög hátt í alþjóðlegum könnunum þar sem að þau eru mjúk, lágvær og endingargóð dekk fyrir erfiðustu vetraraðstæður.
Ráð í dekkjakaupum
Þegar kaupa skal ný dekk þarf að huga að því að þau henti þeim aðstæðum sem á að nota þau í. Dekkin eru eini snertiflöturinn við veginn og því er mikilvægt að þau séu góð. Það er til dæmis ekki sniðugt að eyða milljónum í nýjan bíl og setja hann síðan á ódýr dekk sem henta ekki íslenskum aðstæðum.
Einnig er gott að huga að umhverfisþættinum, en mikil vitundarvakning hefur orðið í þeim efnum upp á síðkastið. Svifryksmengun er að verða mikið vandamál sem er að stórum hluta nagladekkjum að kenna. Það er ekki lausn að fara yfir á rafmagnsbíl og keyra áfram á nöglum. Rafmagnsbíll á nagladekkjum veldur í raun meiri svifryksmengun en sambærilegur bíll þar sem hann er þyngri. Lausnin er því að færa sig yfir á góð vetrardekk til að minnka svifryksmengun.
Starfsfólkið hjá Betra Grip veitir heiðarlega þjónustu, en það er með mikla reynslu og þekkingu á þessu sviði. Þó svo að mesta áherslan sé lögð á loftbóludekkin þá framleiðir Bridgestone mörg önnur frábær dekk sem í sumum tilvikum gætu hentað betur en loftbóludekkin. Einnig geta undirmerkin Firestone, Siberling og Dayton komið sterk inn þar sem þau eru mun ódýrari en Bridgestone.
Hægt er að hafa samband við Betra Grip í síma 533-3999 eða senda fyrirspurn á betragrip@betragrip.is . Einnig er hægt að koma í Guðrúnartún 4 og fá ráðgjöf.