Hinn magnaði gríndávaldur Sailesh er væntanlegur til landsins þann 30. janúar 2020 og kemur þá til með að halda risasýningu í Laugardalshöll í samstarfi við FM957 og San Miguel.

Sailesh hélt fyrst sýningu hér á landi fyrir 15 árum og sló þá rækilega í gegn hjá þjóðinni. Nýja sýningin er byggð á gömlum grunni, en auk þess verður hún grófari, fyndnari, öfgakenndari og verður hreinlega allt látið flakka.

Sýningin í Laugardalshöllinni verður bönnuð innan 18 ára og er um takmarkað magn miða í boði.

Sailesh er einn vinsælasti og eftirsóttasti dávaldur heims um þessar mundir. Hann er þekktur fyrir krassandi sýningar og hefur MTV til dæmis kallað hann „fyndnasta, óritskoðaða dávald jarðar“, en Sailesh er meðal annars frægur fyrir að geta látið fólk fá fullnægingu með því einu að taka í höndina á því!

Sýningin stendur yfir í tvo og hálfan klukkutíma er stútfull af ótrúlegum uppákomum. Áhorfendur verða að stjörnum sýningarinnar fyrir framan vini og vandamenn sem gráta af hlátri við að sjá félaga sína fara á kostum á sviðinu.

 „Amma er velkomin, ef hún er ekki hjartveik og hefur mikinn húmor,“ segir Sailesh sposkur og viðurkennir að grínið gæti gengið fram af einhverjum. „Sumir gætu örugglega móðgast eitthvað. Ég hef tekið prógrammið aðeins í gegn yfir árin. Samfélagið hefur auðvitað breyst. Í dag þarf að fara varlega í suma hluti. En ég er ekkert fyrir pólitíska rétthugsun. Það verður látið reyna á mörkin,“ segir hann.

Hvað segja áhorfendur?

Sýningunni hefur verið hælt mikið í fjölmiðlum um allan heim og telja margir að um nýja tegund skemmtunar sé að ræða.

„Sjúklega fyndin sýning! Ég hef ekki hlegið svona mikið í mörg ár.“ – R.R., Miami Herald.

„Taktu með þér vasaklút og hreinar nærbuxur. Ég lofa því að þú munt gráta af hlátri og það eru góðar líkur á því að þú missir þvag að auki.“ – P.V, Arizona Daily Star.

„Ég hló eins og brjálæðingur. Fór aftur á sýninguna — og hló eins og geðsjúklingur. Drottinn minn dýri, ég hef aldrei lent í öðru eins.“ – M.R., Reno Gazette-Journal

Miðasala er á midi.is og hefst þriðudaginn 12. nóvember á slaginu 12.00