Fimmtudagur 14.nóvember 2019
Kynning

Atómstöðin – endurlit, frumsýnd á Stóra sviði Þjóðleikhússins föstudaginn 1. nóvember 

Kynning
Jóhanna María Einarsdóttir
Þriðjudaginn 29. október 2019 13:50

Ekki missa af Helstu tíðindum dagsins í pósthólfið þitt

Lesa nánar

 
Þjóðleikhúsið frumsýnir Atómstöðina – endurlit, á Stóra sviðinu þann 1. nóvember næstkomandi. Halldór Laxness Halldórsson (Dóri DNA) semur, í samvinnu við Unu Þorleifsdóttur leikstjóra, nýtt og framsækið sviðsverk byggt á skáldsögu Nóbelskáldsins afa síns. Í þessari leiksýningu skoðar ný kynslóð leikhúslistafólks verkið í sögulegu samhengi og skapar krassandi og ögrandi sýningu, fulla af húmor. 

  • Ný kynslóð leikhúslistafólks nálgast skáldsögu Nóbelskáldsins á ferskan og krassandi hátt 
  • Halldór Laxness Halldórsson (Dóri DNA) skrifar leikverk byggt á skáldsögu afa síns  
  • Ebba Katrín Finnsdóttir þreytir frumraun sína í Þjóðleikhúsinu í hlutverki Uglu og Björn Thors leikur Búa Árland  
  • Una Þorleifsdóttir setur upp sína sjöttu sýningu í Þjóðleikhúsinu  

 

Skáldsaga Nóbelskáldsins Halldórs Laxness Atómstöðin var afar umdeild þegar hún kom út árið 1948, enda fjallaði hún um mikið hitamál í íslensku samfélagi, herstöðvarmálið, sem snerist um „sölu landsins“ eða „þátttöku þjóðarinnar í vestrænu varnarsamstarfi“, eftir því hvar fólk skipaði sér í fylkingar. Verkið er þó ekki síður ástarsaga Uglu, bóndadóttur að norðan sem kemur til Reykjavíkur til að læra á orgel, og Búa Árlands, þingmanns og heildsala. 

 

Halldór Laxness Halldórsson semur nýtt leikverk, í samvinnu við Unu Þorleifsdóttur leikstjóra, þar sem þau nálgast skáldsögu Halldórs Laxness á ferskan og óvæntan hátt. Brugðið er nýju ljósi á umrót eftirstríðsáranna þar sem þjóð í litlu landi, mitt á milli Washington og Moskvu, stóð frammi fyrir stórum spurningum um framtíð sína. Í brennidepli í verkinu eru þjóðernisvitund og sjálfsmynd, tengsl litlu eyþjóðarinnar við umheiminn og hin eilífu átök auðstéttar og alþýðu. 

 

Þetta er sjötta leikstjórnarverkefni Unu við Þjóðleikhúsið en áður hefur hún sett upp sýningarnar Konan við 1000°, Tímaþjófinn, Gott fólk, Harmsögu og Óvin fólksins. Halldór Laxness Halldórsson hefur getið sér gott orð sem uppistandari, handritshöfundur og ljóðskáld, en skrifar nú í fyrsta sinn leikverk fyrir Þjóðleikhúsið. 

 

Höfundur leikmyndar og búninga, Mirek Kaczmarek, starfar nú í fyrsta sinn við Þjóðleikhúsið en hann á að baki um 200 leiksýningar í Póllandi, og hefur starfað með mörgum af virtustu leikstjórum pólsks nútímaleikhúss.  

Hann var höfundur leikmyndar og búninga í sýningu Unu Þorleifsdóttur á ≈ [um það bil] í Kielce í Póllandi fyrr á þessu ári. 

Ebba Katrín Finnsdóttir þreytir frumraun sína í Þjóðleikhúsinu í hlutverki Uglu, en hún vakti meðal annars athygli fyrir leik sinn í sjónvarpsmyndinni Mannasiðum, og var tilnefnd til Grímunnar 2019 fyrir leik sinn í söngleiknum Matthildi. Með hlutverk Búa Árlands fer Björn Thors. 

Boðið verður upp á umræður eftir 6. sýningu á Atómstöðinni fimmtudagskvöldið  21. nóvember. 

 

Leikarar í sýningunni eru Ebba Katrín Finnsdóttir, Björn Thors, Birgitta Birgisdóttir, Arngrímur Ernst Backman, Snæfríður Ingvarsdóttir, Edda Arnljótsdóttir, Eggert Þorleifsson, Hallgrímur Ólafsson, Oddur Júlíusson, Snorri Engilbertsson, Stefán Jónsson og Hildur Vala Baldursdóttir.  

  

Leikstjóri: Una Þorleifsdóttir  

Leikgerð: Halldór Laxness Halldórsson, í samvinnu við Unu Þorleifsdóttur   

Leikmynd og búningar: Mirek Kaczmarek  

Lýsing: Ólafur Ágúst Stefánsson  

Tónlist: Gísli Galdur Þorgeirsson  

Hljóðmynd: Aron Þór Arnarsson, Kristinn Gauti Einarsson, Gísli Galdur Þorgeirsson 

Leikgervi: Ingibjörg G. Huldarsdóttir 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Kynning
Fyrir 1 viku

FORSALAN HAFIN: GLÆNÝR PEUGEOT 208 BENSÍN og e-208 RAFBÍLL MEÐ 340 KM DRÆGNI

FORSALAN HAFIN: GLÆNÝR PEUGEOT 208 BENSÍN og e-208 RAFBÍLL MEÐ 340 KM DRÆGNI
Kynning
Fyrir 1 viku

Rúmföt.is – Hágæða lúxusrúmföt

Rúmföt.is – Hágæða lúxusrúmföt
Kynning
Fyrir 2 vikum

Auðveld leið til að bjarga lífi

Auðveld leið til að bjarga lífi
Kynning
Fyrir 2 vikum

Uniconta – bókhaldskerfið sem allir eru að tala um

Uniconta – bókhaldskerfið sem allir eru að tala um
Kynning
Fyrir 2 vikum

Vöruvernd: Er með lausnina fyrir þig og þitt fyrirtæki

Vöruvernd: Er með lausnina fyrir þig og þitt fyrirtæki
Kynning
Fyrir 3 vikum

Tennis er skemmtileg hreyfing!

Tennis er skemmtileg hreyfing!
Kynning
Fyrir 3 vikum

Þjóðleg og falleg ljós frá HER Design í jólapakkann

Þjóðleg og falleg ljós frá HER Design í jólapakkann