Veitingastaðurinn Saffran hefur verið opnaður aftur í Glæsibæ og á Dalvegi í Kópavogi eftir allsherjar endurbætur. Nýju staðirnir eru hannaðir af Nicola Fellerini hjá Costagroup í Ítalíu og þykja afar bjartir og glæsilegir og endurspegla gæðin og ferskleikann sem Saffran stendur fyrir.

Nýir tímar kalla á breytta hönnun

„Saffran fagnar 10 ára afmæli um þessar mundir og því voru innréttingar og hönnun staðanna komin á tíma. Staðirnir voru opnaðir í upphafi 2009 og voru standsettir með mjög litlum tilkostnaði sem féll vel að þeim tíðaranda sem þá ríkti. Nú eru breyttir tímar og nýir straumar og stefnur sem ráða ríkjum í hönnun veitingastaða þar sem aukin áhersla er lögð á hönnun, umhverfi og upplifun viðskiptavinanna en áður hefur tíðkast,“ segir Bjarni Gunnarsson framkvæmdastjóri.

Alltaf vinsælt og alltaf jafn gott

„Saffran hefur notið gríðarlegra vinsælda frá upphafi og á sér stóran hóp fastakúnna sem eru meðvitaðir um hollustu, hreyfingu og gott mataræði. Einnig sækir stór hópur afreksíþróttafólks staðina okkar sem við erum afskaplega stolt af. Staðirnir tveir voru lokaðir í tíu daga á meðan endurbætur stóðu yfir en Saffran rekur fjóra veitingastaði og því þurftu fastagestir ekki að örvænta. Nú höfum við opnað dyrnar aftur á Dalvegi og í Glæsibæ og bjóðum alla matargesti velkomna,“ segir Bjarni.

Saffran er staðsettur í Glæsibæ, Dalvegi 4 í Kópavogi, Bæjarhrauni 16 í Hafnarfirði og Bíldshöfða 12 í Reykjavík.

Pantaðu matinn heim á saffran.is

Sími: 578-7874

Fylgstu með á Facebook: Saffran veitingastaður og Instagram: Saffran veitingastaður