Lín Design leggur mikið upp úr fyrirtækjaþjónustu þar sem boðið er upp á glæsilegt úrval gjafavöru og faglega þjónustu.

„Lín Design er lífsstílsverslun þar sem falleg hönnun, vandaðar og umhverfisvænar vörur eru í fyrirrúmi. Fyrirtækjasviðið fer stækkandi með hverju árinu og stór sem smá fyrirtæki kjósa að velja vörur frá okkur í jólapakka starfsmanna sinna,“ segir Ágústa, eigandi Lín Design.

„Við bjóðum fyrirtækjum að koma til okkar að skoða vörurnar og handvelja þær í pakkana eða við förum til þeirra með sýningareintök. Við leggjum mikla áherslu á persónulega þjónustu til okkar viðskiptavina.“

Allt frá upphafi hafa fögur rúmföt úr hreinni pima-bómull verði eitt aðalsmerki Lín Design. „Rúmfötin hafa verið sérlega vinsæl til fyrirtækjagjafa. Þau eru úr hreinni pima-bómull, sem er ein sú vandaðasta sem hægt er að fá og öll litun er samkvæmt Oeko-Tex stöðlum. Innblástur að hönnuninni er sóttur í íslenska náttúru og gömul, íslensk mynstur. Við bjóðum einnig upp á rúmföt í smekklegum litum. Fyrirtæki velja gjarnan mismunandi rúmföt fyrir sitt starfsfólk svo jólapakkarnir séu ekki allir eins,“ segir Ágústa.

Ásamt rúmfötum hafa vistvænar dúnsængur og koddar úr andardúni, útsaumuð handklæði og gjafakort verið vinsælar gjafir til starfsmanna.

„Gjafakortin hafa verið góð og þægileg lausn og margir hafa kosið að fara þá leið. Þá getur hver sem er komið í búðirnar okkar og valið sér þá gjöf sem hentar. Við erum með franska gjafavöru, svo sem glös, diska og skrautmuni, svo allir ættu að finna eitthvað við sitt hæfi,“ segir Ágústa en hjá Lín Design fæst allt til heimilisins.

Sérhönnun að ósk fyrirtækja

Þá sérhannar Lín Design gjafapakkningar fyrir stærri fyrirtæki, sé þess óskað, t.d. með hlýlegri kveðju til starfsmanna. „Allar pakkningar Lín Design eru vistvænar og við notum ekki plast. Rúmfötum er pakkað inn í 40×40 púðaver þannig að hver og einn fær koddaver, sængurver og púðaver,“ segir Ágústa.

Jólapokar með íslenska jólasveininum.

Helsta nýjung Lín Design eru fallegir flöskupokar úr textíl og skemmtilegir jólapokar úr striga, skreyttir með myndum og sögum af íslensku jólasveinunum.

Lín Design tekur á móti fyrirtækjum í versluninni að Smáratorgi 1 fyrir jólin og þar er farið yfir þarfir og óskir hvers og eins varðandi fyrirtækjagjafir.

Nánari upplýsingar fást í síma 533-2220, sala@lindesign.is, www.lindesign.is og á https://www.facebook.com/lindesigniceland/