Kjúklingastaðurinn Suðurveri
Eins og allir vita eru máltíðir og hvíld nauðsynlegur partur af jólainnkaupaferðum. En þessar hvíldarstundir eru ekki bara nauðsynlegar heldur eiga þær líka að vera í senn skemmtilegar og endurnærandi. Kjúklingastaðurinn Suðurveri er fullkominn áfangastaður í jólaösinni, þar er notalegt fyrir fjölskyldur og aðra að eiga góða stund og njóta ljúffengs matar í huggulegu umhverfi, á góðu verði.
Skorpan á kjúklingabitunum á Kjúklingastaðnum Suðurveri er afar rómuð og þykir einstaklega ljúffeng og fersk, viðkoman er ekki blaut eins og víða tíðkast á kjúklingaréttastöðum heldur mátulega safarík. Jón Eyjólfsson, eigandi staðarins, segir að margir hafi falast eftir uppskriftinni að kryddleginum sem myndar skorpuna en sú uppskrift muni ávallt verða leyndarmál.
Líkt og gildir um kryddblönduna á kjúklinginn eru sósur og salöt búin til frá grunni á staðnum og þetta meðlæti er alltaf ferskt og nýtt. Hrásalatið er hið upprunalega Stjörnusalat sem á sér áratuga sögu en brún kjúklingasósan er einstaklega ljúffeng, það fékk blaðamaður DV að reyna, sem heimsótti staðinn og bragðaði kjúklingabita, hrásalat, kjúklingasósu og kokteilsósu – en allt reyndist þetta afar bragðgott, ljúffengt og ferskt.
Ekki síst eru frönsku kartöflurnar góðar en þar velur Jón alltaf hráefni úr hæsta gæðaflokki. Fjölmargir koma við á helgarrúntinum og kaupa stóran skammt af frönskum – og ekkert annað.
Kjúklingastaðurinn Suðurveri stendur á gömlum grunni frá árinu 1967 og verður því hálfrar aldar gamall á næsta ári. Staðurinn hefur notið stöðugra vinsælda í gegnum tíðina og margir viðskiptavinir staðarins í dag hafa verið það frá upphafi. Núverandi eigandi, Jón Eyjólfsson, tók við rekstrinum fyrir tíu árum og segir hann að viðskiptavinaflóran sé þverskurður af samfélaginu og margar kynslóðir sækja staðinn. Til dæmis er hann vinsæll meðal nemenda í skólunum í nágrenninu, Versló, MH og Hlíðaskóla; fyrrverandi nemendur skólans, allt aftur til upphafsára staðarins, eru einnig reglulegir gestir, en margir þeirra eru þekktir einstaklingar í samfélaginu í dag.
Síðast en ekki síst er Kjúklingastaðurinn Suðurveri afar vinsæll hjá fjölskyldufólki. Margir kjósa að njóta veitinganna í huggulegu umhverfi á staðnum en þeir sem vilja frekar borða heima taka matinn með sér. Afgreiðsla er þykir með afbrigðum hröð enda hefur verið þróað skipulag á staðnum sem tryggir hraða og góða þjónustu.
