Mikil forréttindi fylgja því að vera drottning Bretlands. Elísabet II hefur í ýmsu að snúast og hefur yfirráð yfir ýmsum málaflokkum sem tengjast krúnunni með óbeinum hætti. Hér eru fimm furðulegar staðreyndir um forréttindi Elísabetar II Bretadrottningnar:

Keyrir án ökuskírteinis

Land Rover Drottningin brunaði um með Sádi-konunginn.

Á Bretlandi er Elísabet II sú eina sem má löglega keyra án ökuskírteinis. The Independent greinir frá því að hún hafi víða um heim vakið lukku fyrir ökukænsku sína. Árið 1998 tók hún til að mynda sádi-arabíska prinsinn á rúntinn um skoska sveitavegi. Prinsinn Abdullah, sem nú er orðinn konungur, var óvanur því að sjá konur keyra og var heldur skelkaður þegar drottningin settist í bílstjórasætið og ók Land Rovernum geyst af stað á meðan hún talaði allan tímann. Með hjálp túlksins síns grátbað hann drottninguna að hægja á ferðinni og einbeita sér að akstrinum.

Á alla höfrunga við Bretlandseyjar og svani á Thames

Á alla svani á Thames Þeir fá reglulega læknisskoðun.

Mynd: Mynd: DV

Samkvæmt The Independent hefur krúnan yfirráð yfir öllum hvölum og höfrungum sem synda við strendur Bretlands. Allir hvalir og höfrungar sem veiddir eru innan 5 km frá ströndum Bretlands eru lögum samkvæmt í eigum krúnunnar. Auk þess á hún alla svani sem synda á ánni Thames. Allir svanirnir fara reglulega í læknisskoðun og hefur hver og einn sitt eigið auðkennisnúmer.

Elísabet á tvo afmælisdaga

Frá níræðisafmæli Elísabetar II Fagnar afmæli sínu tvisvar á ári.

Mynd: EPA

Eins og alvöru drottningu sæmir á Elísabet tvo afmælisdaga. Hinn opinberi afmælisdagur fer fram með veisluhöldum almennings á laugardegi í júní þótt hennar raunverulega afmæli sé 21. apríl. Á opinberum afmælisdegi hennar fagnar hún með fjölskyldu sinni á sama tíma og þjóðin gengur í skrúðgöngu frá Buckingham Palace.

Drottningin getur rekið alla í ríkisstjórn Ástralíu

Drottning Ástralíu Getur rekið ríkisstjórnina í heild sinni.

Mynd: AP

Þar sem Bretadrottning er formlega drottning í Ástralíu hefur hún ákveðið vald yfir ríkisstjórninni. Hún hefur vald til að reka alla lýðræðislega kjörna einstaklinga sem sitja í ríkisstjórn. Þó svo að tilgangur drottningarinnar sé einkum hugmyndafræðilegur hefur hún þó það vald í Ástralíu auk annarra ríkja sem eru fyrrum nýlendur Bretlands á borð við Bahamas og Belize.

Getur prentað peninga til einkanota

Aldrei skortur á peningum Geta prentað að vild.

Mynd: 2008 Getty Images

Konungsfjölskyldan þarf aldrei að hafa áhyggjur af peningum. Fyrir utan fjölskylduauð og laun frá ríkinu hefur konungsfjölskyldan aðgang að vél sem prentar fyrir þau peninga til einkanota. Í kjallara Buckingham-hallar hefur einn virtasti banki Englands, Coutts, komið fyrir peningaprentara fyrir fjölskylduna.