Það kom sumum á óvart þegar það var rifjað upp í vikunni að Davíð Oddsson og Jón Steinar Gunnlaugsson hefðu stutt Sævar Ciesielski í baráttu hans vegna endurupptöku Guðmundar- og Geirfinnsmála á síðustu öld. Fyrir mörgum eru þeir félagar holdgervingar valdsins og ólíklegir bandamenn í baráttunni fyrir réttlæti gagnvart kerfinu. Má segja að slíkar hugsanir megi frekar rekja til fylkinga sem hafa myndast í samfélaginu en raunveruleikans. Má í því samhengi benda á að þeir sem hafa stutt Sævar en ekki Davíð voru vægast sagt tregir til að mæra stuðning Davíðs við Sævar á samfélagsmiðlum. Fylking Davíðs myndi einnig seint mæra þá sem styðja ekki Davíð, sama á hverju dynur.