fbpx
Föstudagur 25.september 2020

Af hverju brástu ekki strax við, frú Agnes?

Björn Þorfinnsson
Sunnudaginn 9. september 2018 19:00

Þórir Stephensen og Agnes M. Sigurðardóttir

Ekki missa af Helstu tíðindum dagsins í pósthólfið þitt

Lesa nánar

Á dögunum fjallaði DV ítarlega um syndir kirkjunnar. Í öndvegi í þeirri umfjöllun var kynferðisbrot séra Þóris Stephensen, á árum áður, gegn tíu ára gamalli stúlku. Á sáttafundi á Biskupsstofu, sem Agnes biskup sat, viðurkenndi séra Þórir brot sín fyrir framan fórnarlamb sitt og baðst afsökunar þar á. Fundurinn fór fram árið 2015 og DV hefur það frá fyrstu hendi að fórnarlambið hafi engan sálarfrið öðlast að honum loknum. Þvert á móti var upplifun fórnarlambsins sú að forsvarsmenn Þjóðkirkjunnar álitu hana vera með vesen yfir löngu liðnum atburðum. Það var því sem rýtingur í hjarta hennar og aðstandenda að sjá séra Þóri Stephensen predika guðs orð við ólíklegustu tilefni á vegum kirkjunnar.

„Ég veit ekki hvort það sé neitt óeðlilegt við það í sjálfu sér,“ sagði Agnes í viðtali við DV þegar hún var spurð hvort henni þætti ekki óeðlilegt að séra Þórir tæki enn að sér slík verkefni. Hún sagði enn fremur að gerandinn þyrfti að finna það hjá sjálfum sér hvað væri við hæfi og hvað ekki. Á biskupi var að skilja að hún hafi hvorki viljað né getað hindrað séra Þóri Stephensen í að koma opinberlega fram fyrir hönd kirkjunnar.

Fréttaflutningur DV vakti mikla athygli og í kjölfar hans brást biskup loks við. „Kirkjan getur ekki, frekar en nokkur annar, leyft sér að stinga höfðinu í sandinn og það er afar mikilvægt að hún reyni stöðugt að bæta viðbrögð sín og spyrji sjálfa sig áleitinna spurninga,“ sagði Agnes í yfirlýsingu á Facebook-síðu embættisins.

Síðan þá hefur málið fengið að krauma undir yfirborði Þjóðkirkjunnar. Loks sauð upp úr þegar Agnes sendi tölvuskeyti á alla presta Þjóðkirkjunnar þar sem fram kom að hún hefði beðið séra Þóri um að koma ekki framar fram fyrir hönd stofnunarinnar. Enn fremur kom fram að séra Þórir ætlaði að verða við þeirri beiðni. Nánar er fjallað um málið á öðrum stað í blaðinu en stóra spurningin er þessi: Af hverju brástu ekki strax við, frú Agnes?

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 5 klukkutímum

Fyrsta aftaka bandaríska alríkisins á svörtum manni eftir 17 ára hlé

Fyrsta aftaka bandaríska alríkisins á svörtum manni eftir 17 ára hlé
Pressan
Fyrir 7 klukkutímum

Nýjasta útspil Trump vekur áhyggjur af lýðræðinu í Bandaríkjunum

Nýjasta útspil Trump vekur áhyggjur af lýðræðinu í Bandaríkjunum
433Sport
Fyrir 13 klukkutímum

Breiðablik og Fylkir sigruðu á heimavelli

Breiðablik og Fylkir sigruðu á heimavelli
Fréttir
Fyrir 14 klukkutímum

Eimskip borið þungum sökum – Tengd við „hættulegasta vinnustað heims“

Eimskip borið þungum sökum – Tengd við „hættulegasta vinnustað heims“
Fréttir
Fyrir 15 klukkutímum

Egypska fjölskyldan fær dvalarleyfi á Íslandi

Egypska fjölskyldan fær dvalarleyfi á Íslandi
433Sport
Fyrir 16 klukkutímum

Keflavík með annan fótinn í efstu deild eftir sigur á Haukum

Keflavík með annan fótinn í efstu deild eftir sigur á Haukum
Fréttir
Fyrir 17 klukkutímum

Dyr heimsins lokaðar Íslendingum

Dyr heimsins lokaðar Íslendingum
433Sport
Fyrir 17 klukkutímum

United reynir að selja sex til að eiga aur fyrir Sancho

United reynir að selja sex til að eiga aur fyrir Sancho