fbpx
Sunnudagur 25.október 2020

Trúnaður á samfélagsmiðlum

Björn Þorfinnsson
Laugardaginn 5. maí 2018 11:30

Ekki missa af Helstu tíðindum dagsins í pósthólfið þitt

Lesa nánar

Það er óhætt að segja að við búum í dag við offramboð frétta og skilin á milli þeirra og afþreyingarefnis eru sífellt að verða óljósari. Ein stærsta ástæðan er sú að virkni samfélagsmiðla er slík að raddir fólks, sem aldrei heyrðust áður, komast nú greiðlega til skila. Það sést vel á lestrartölum að lesendur okkar miðils hafa áhuga á sögum fólks og þá ekki síður sögum almennings heldur en þjóðþekktra Íslendinga. Sögur af sigrum, sorgum og skemmtilegum uppákomum. Við höfum áhuga á fólki.

Það er þó ábyrgðarhluti fjölmiðla að fara vel með þessar sögur. Þegar þjóðþekktir einstaklingar opna sig eða tjá skoðanir sínar á mönnum og málefnum þá eru umsvifalaust búnar til fréttir, að því gefnu að skilaboðin séu fréttnæm. Það er þó ekki einhlítt heldur er oft hringt í viðkomandi og leitað eftir viðbótarupplýsingum. Þegar um almenna borgara er að ræða þá eiga blaðamenn undantekningarlaust að spyrja um leyfi.

Í vikunni birti söngkonan geðþekka, Salka Sól Eyfeld, áhrifamikla færslu á Twitter-síðu sinni. Færslan snerist um viðkvæmt persónulegt málefni sem margir Íslendingar tengja við. Það er alltaf virðingarvert þegar þjóðþekkt fólk opnar sig um erfiða reynslu og ég hef trú á því að það hjálpi oft öðrum sem eru í svipaðri stöðu. Í lok færslunnar tiltók söngkonan sérstaklega að fjölmiðlar hefðu ekki leyfi til þess að búa til fréttir upp úr færslunni.

Það er að mörgu leyti kómískt í ljósi þess að Salka Sól er með 10 þúsund fylgjendur á samfélagsmiðlunum, auk þess sem hver sem er, sem á annað borð hefur Twitter-reikning, getur dreift skilaboðum hennar með eigin athugasemdum. Þannig má segja að hún hafi birt skilaboðin á einum stærsta fjölmiðli heims og erfitt er að sjá muninn á því hvort efnið birtist þar eða á hefðbundnum fréttamiðli. Hins vegar er leitt að sjá að Salka Sól beri ekki það traust til fjölmiðla að þeir fari vel með viðkvæm skilaboðin.

Annað slíkt mál kom upp á dögunum þegar kona ein svaraði spjallþræði í Facebook-hópi sem snerist um geðræn málefni. Greindi konan frá því í óspurðum fréttum að maki hennar væri greindur með siðblindu. Í hópnum voru um 5.000 einstaklingar meðlimir, þar á meðal nokkrir blaðamenn DV. Einum kollega þótti málefnið áhugavert og sendi konunni persónuleg skilaboð. Þar spurði hann með varfærnum hætti hvort konan gæti hugsað sér að ræða þetta málefni á opinberum vettvangi.

Konan tók fyrirspurninni illa og í kjölfarið varð uppi fótur og fit í umræddum hóp þar sem meðlimir hans voru sakaðir um trúnaðarbrest og að hafa lekið viðkvæmum upplýsingum í blöðin. Blaðamenn miðilsins fylgdust undrandi með fjargviðrinu, sérstaklega í ljósi þess að hópurinn fjölmenni var stofnaður til þess að svipta hulunni af andlegum veikindum og ræða þau opinskátt.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 4 klukkutímum

Arnór Ingvi spilaði í öruggum sigri

Arnór Ingvi spilaði í öruggum sigri
433Sport
Fyrir 4 klukkutímum

Jacob Murphy bjargaði stigi fyrir Newcastle

Jacob Murphy bjargaði stigi fyrir Newcastle
433Sport
Fyrir 5 klukkutímum

Ísak Óli kom inn á í sigri

Ísak Óli kom inn á í sigri
433Sport
Fyrir 5 klukkutímum

Fínn í fótbolta en slakur í þessari íþrótt – Liðsfélagi hans fór í hláturkast

Fínn í fótbolta en slakur í þessari íþrótt – Liðsfélagi hans fór í hláturkast
Pressan
Fyrir 6 klukkutímum

Há dánartíðni í Bandaríkjunum – Tæplega 300.000 fleiri en vænta mátti

Há dánartíðni í Bandaríkjunum – Tæplega 300.000 fleiri en vænta mátti
Fréttir
Fyrir 7 klukkutímum

„Því miður hefur það nú gerst sem við óttuðumst mest“

„Því miður hefur það nú gerst sem við óttuðumst mest“
Pressan
Fyrir 7 klukkutímum

Óvissutímar bíða Trump ef hann tapar kosningunum – Málshöfðanir og rannsóknir

Óvissutímar bíða Trump ef hann tapar kosningunum – Málshöfðanir og rannsóknir
Eyjan
Fyrir 11 klukkutímum

Kristján sleginn yfir máli frystitogarans – „Maður þekkir þetta bara af eigin reynslu“

Kristján sleginn yfir máli frystitogarans – „Maður þekkir þetta bara af eigin reynslu“
433Sport
Fyrir 11 klukkutímum

Valdi ekki dýrasta leikmanninn í draumaliðið – Sjáðu hverja hann valdi

Valdi ekki dýrasta leikmanninn í draumaliðið – Sjáðu hverja hann valdi