Hrafn Jónsson, starfsmaður á miðlunarsviði ASÍ, setti sér markmið að birta ljósmynd á dag í ár. Mynd þriðjudags er af morgunumferðinni á Kringlumýrarbraut frá Borgartúni.
„Það ærir mig smá (mjög mikið) hvernig það á alltaf að reyna að snúa öllum sveitastjórnarkosningum í Reykjavík upp í umræðu um umferð og bílastæði. Ég hef ekki lesið færri en 4 innsendar greinar á Vísi síðustu tvo daga um fjölþætt óréttlæti blasir við fólki í bílastæðamálum. Fólk situr þarna fast í sjálfskapaðri umferðinni með Reykjavík Síðdegis skrúfað upp í 11 að fá æðaþrengingar yfir tilhugsuninni um hvar það ætli næst að leggja þessum pikkfasta bíl sínum.“
View this post on Instagram
Umræðan um bílastæðaleysi við nýbyggingar í höfuðborginni, fækkun bílastæða í miðborginni og gjaldskyldu þar og víðar hefur verið hávær í umræðunni síðustu misseri.
Nokkrir taka til máls undir færslu Hrafns á Facebook, og segir einn: „Kannski þær þyrftu ekki að gera það … ef það væru bílastæði?“
Íbúi í miðborginni til 30 ára segir umræðu frekar mega snúast um hvernig bílastæðamál eru orðin að gróðabrall en ekki sjálfsagðri þjónustu.
„Ég er búinn að vinna í miðbænum síðastliðin 13 ár og hef búið þar í tæp 30 ár. Er mikið á ferðinni í miðbænum og hef aldrei þurft frá að hverfa vegna bílastæðaskorts. Ég held að Reykjavík Síðdegis fólkið sem Hrafn vísar til viti ekki af tilvist bílastæðahúsa eða kunni ekki á Parka appið. Ef það mætti gagnrýna eitthvað, þá yrði það að vera þessi bissness sem bílastæðin eru orðin í dag. Þetta á að vera þjónusta við fólk en ekki gróðabrall.“
Annar tekur til máls og segir umræðuna mesta væl sem hann hefur heyrt, nægt framboð sé af bílastæðum í borginni og lausn í málaflokknum blasi við.
„Það eru um 1,3 bílastæði á hvern íbúa í Reykjavík. Þar með taldir eru íbúar sem hafa ekki aldur eða réttindi til að aka bíl. Það er langhæsta hlutfall bílastæða per íbúa í Evrópu. Og jú, líka meðtaldar borgir á Norðurlöndum þar sem eru svipaðar eða verri veðuraðstæður en í Reykjavík. Það hafa bókstaflega aldrei í sögu Reykjavíkur verið fleiri bílastæði í borginni. Þessi umræða er mesta væl sögunnar og mesta non-issue sem til er. Á sama tíma eru reglulega um 30-45 þús manns sem lýsa því yfir í könnunum að þau myndu gjarnan ferðast öðruvísi en í bíl, ef aðstæður til þess væru betri. Lausnin blasir við, svo ekki sé fastar að orði kveðið.“
Karlmaður býður pizzu að launum fyrir eftirfarandi mynd. Rétt er þó að benda áhugasömum ljósmyndurum á að 17 er löngu flutt og er verslun Ice Wear nú í húsinu. Um er að ræða Stjörnuport undir lóð Laugavegar 86-94 á gamla Stjörnubíó-reitnum.
„Ef einhver sýnir mér mynd af neðstu hæðina á bílakjallaranum til móts við 17 á Laugavegi fulla af bílum, þá gef ég viðkomandi pizzu. Fer fótgangandi með hana sjálfur hvert sem er innan Smá-Reykjavíkursvæðis.“
