Karlmaður um þrítugt hefur verið úrskurðaður í áframhaldandi gæsluvarðhald vegna gruns um aðild að dauða karlmanns í fjölbýlishúsi við Skjólbraut í Kópavogi í lok nóvember.

Þetta kemur fram í tilkynningu frá lögreglu.

Gæsluvarðhald yfir manninum, sem er frá Grikklandi, átti að renna út í dag en það hefur nú verið framlengt um fjórar vikur. Hinn látni var um fertugt og samkvæmt upplýsingum DV frá Portúgal.

Eiríkur Valberg, fulltrúi í rannsóknardeild lögreglu, sagði við Vísi fyrr í dag að lögregla telji sig vera komna með skýra mynd af atburðarásinni. Það helsta sem þó vanti séu utanaðkomandi gögn, þar á meðal krufningarskýrsla og niðurstöður DNA-rannsóknar.