Jonathan er starfsmaður Útlendinga- og tollgæslu Bandaríkjanna (ICE), en hann varð Renee, þriggja barna móður, að bana þegar hann skaut hana í höfuðið þar sem hún var í bifreið sinni. Mótmælendur höfðu safnast saman í íbúðagötu þar sem fulltrúar ICE voru að störfum.
Stofnandi söfunarinnar heitir Clyde Emmons og er hann íbúi í Michigan. Hann segir að honum hafi ofboðið þegar hann sá fréttir í fjölmiðlum um söfnun fyrir aðstandendur Renee, en alls söfnuðust ein og hálf milljón dollara í henni áður en henni var lokað.
Samkvæmt frétt NEwser heldur Emmons því fram að gjörðir Ross hafi verið „1000 prósent réttlætanlegar“ og að peningarnir væru ætlaðir honum. Upphaflegt markmið söfnunarinnar var 550 þúsund dollarar en vegna þess hversu vel hefur gengið hefur markmiðið verið hækkað í 800 þúsund dollara.
Sá sem hingað til hefur lagt fram hæsta framlagið er milljarðamæringurinn og fjárfestirinn Bill Ackman, sem gaf 10.000 dollara í söfnunina.
Í færslu á X sagði Ackman að hann hefði valið þá upphæð vegna þess að hann ætlaði að jafna hana með framlögum til söfnunar Good, en komst þá að því að henni hefði þegar verið lokað. Í umfjöllun The Daily Beast er bent á að Ackman sé harður stuðningsmaður Donalds Trump Bandaríkjaforseta. Annað stórt framlag, 5.000 dollarar, var nafnlaust.
Í fréttum bandarískra fjölmiðla kemur fram að óvíst sé hvort Ross megi taka við fjármununum. Siðareglur alríkisins banna almennt ríkisstarfsmönnum að þiggja utanaðkomandi greiðslur fyrir störf sín.
