Kjartan Guðmundsson sem lenti í alvarlegu bílslysi ásamt móður sinni og dóttur í Suður-Afríku í desember síðastliðnum er látinn 46 ára að aldri.

Kjartan lést á gjörgæsludeild Landspítalans í gær. RÚV greinir frá þessu. Kjartan slasaðist mjög alvarlega í slysinu en móðir hans og dóttir létust báðar. Hann lá vikum saman á spítala í Suður-Afríku.

Safnað fyrir Kjartan sem slasaðist í bílslysi í Suður-Afríku – „Kjartan er sannur vinur“

Í febrúar síðastliðnum var það að frétta af Kjartani að hann var þá ekki lengur í lífshættu en enn mikið slasaður og læknar í Suður-Afríku gáfu grænt ljós á að hægt væri að flytja hann til Íslands.

Kjartan úr lífshættu – Enn mikið slasaður en læknar gefa grænt ljós á flutning

Samkvæmt RÚV var Kjartan fluttur til Íslands í þessum sama mánuði og lagður inn á Landspítalann. Ómar Sigurðsson vinur Kjartans segir í samtali við RÚV að hann hafi verið með fjölkerfalíffærabilun og hrakað mikið í vikunni.