Einar Sveinbjörnsson veðurfræðingur hjá Bliku bendir á fáheyrðar hitatölur í janúar. Það er að meðalhitinn í mánuðinum var hærri í Nuuk á Grænlandi en í Danmörku.

Í færslu á samfélagsmiðlum greinir Einar frá því að meðalhitinn í Nuuk í janúar hafi verið aðeins 0,1 gráðu undir frostmarki.

„Aldrei gerst áður í mælingasögunni að janúarhiti endi ofan frostmarks í Nuuk. Nýtt hitamet og það eldra var frá 1917. Þetta er nærri 8 stigum ofan meðallags janúar,“ segir hann. „Norðar, í Ilullisat voru frávikin enn stærri og hiti þar heilum 11 stigum yfir meðallagi. 1,3 stigi yfir eldra meti frá 1929.“

Hins vegar hafi danska veðurstofan, DMI, reiknað meðalhitann 0,6 gráðum undir frostmarki í Danmörku. Í Kaupmannahöfn var sami meðalhiti og í Nuuk.

„Þar með var kaldara í kóngsins Köben, en í Nuuk! Það held ég að sé fáheyrt. Þó ekki útilokað að það hafi gerst einhverntímann áður, s.s. á stríðsárunum, þegar voru annálaðir vetrarkuldar í Danmörku,“ segir Einar.