Guðbrandur Einarsson, þingmaður Viðreisnar, hefur ákveðið að segja af sér þingmennsku. Guðbrandur gerði tilraun til að kaupa vændi árið 2012 og tók hann ákvörðun um afsögn þegar Vísir hugðist fjalla um málið.
Ítarlega er fjallað um þetta á vef
Vísisnú í morgun.
Í fréttinni kemur fram að Guðbrandur hafi verið kallaður til yfirheyrslu vegna rökstudds gruns um vændiskaup. Í yfirlýsingu sem hann sendi miðlinum í gærkvöldi sagðist hann hafa haft samband við konu með vændiskaup í huga, en snúist hugur þegar á staðinn var komið.
Hann var kallaður til yfirheyrslu vegna málsins en neitaði sök og kveðst ekkert hafa heyrt frekar frá lögreglu vegna másins.
Í yfirlýsingu sem hann sendi Vísi kemur fram að hann hafi gert stór mistök sem hann harmi mjög, sérstaklega gagnvart fjölskyldu sinni og vinum og ekki síður samstarfsfólki í Viðreisn og á Alþingi. Þá verði að ríkja friður og traust um störf ríkisstjórnarinnar og þingmenn hennar.
„Ég hef því ákveðið að segja af mér þingmennsku samstundis og hef látið forystu flokksins vita af því,“ segir Guðbrandur meðal annars við Vísi.
