Gerður Huld Arinbjarnardóttir, eigandi Blush, er stödd erlendis í sólarfríi. Gerður er virk á samfélagsmiðlum og í gær deildi hún því að þrátt fyrir að sundlaugarsvæðið á hótelinu eigi að vera reyklaust þá hafi tvær konur sest við hlið Gerðar og báðar keðjureykt.

„Fólk sem reykir í almenningsrýmum er dónalegasta fólk sem til er. Maður er bara eitthvað að njóta og svo mætir einhver og situr….án gríns konan situr við hliðina á mér og er að blása reyknum í andlitið á mér. Nennið þið án gríns ef þið reykið að bera smá virðingu fyrir fólkinu í kringum ykkur, þetta er ógeðslegt.“

Segir Gerður að reyklaust svæði eigi að vera á öllu hótelinu, en það virðist mismunandi tekið á því af starfsfólki ef gestirnir brjóta reglurnar og reykja. Ákvað hún að færa sig og prófa annað stað.

Í kjölfarið spurði Gerður fylgjendur sína um hluti sem þeir hata.

Ekki stóð á svörum og ljóst að margir hata þegar fólk reykir við innganga og nikotínpúðana sem skildir eru eftir um allt. Þar sem Gerður er í sólinni erlendis þá komu nokkrar svör sem áttu við þar, eins og ofurfullir Bretar með öskrandi börn á sundlaugarsvæðinu. Það var þó fleira sem var nefnt:

„Þegar fólk snýtir sér við matarborðið á veitingastað.“

„Fólk í umferðinni sem kann ekki umferðarreglurnar og er bara fyrir.“

„Þegar fólk talar í símann á speaker. Hátt og með símann í botni.“

„Fullorðið fólk sem ryðst í röðum vísvitandi því það telur sig yfir aðra hafið.“

„Fólk hendir tyggjói bara á jörðina eða klínir því undir borð eða eitthvað. Ógeðslegt.“

„Treður sér í bílastæði þannig að maður kemst ekki inn í bílinn sinn.“

„Nenni ekki að pósta meira, en það er ansi margt sem fólk hatar“, skrifaði Gerður.

Gerður henti svo fram annarri spurningu: Hrós dagsins fær….og bað fylgjendur sínar að svara. „Spurning hvort fólk sé jafn viljugt að hrísa eins og að drulla.“

Hér má sjá nokkur fleiri svör um hvað fólk hatar: