Lögreglan í New York borg í Bandaríkjunum leitar manns sem er sakaður um að misnota lík í neðanjarðarlest. Náðriðillinn er ekki talinn hafa þekkt hinn látna eða átt þátt í dauða hans.
Eins og segir í frétt blaðsins Daily Star um málið þá leitar lögreglan í New York að manni sem er grunaður um að hafa kynferðislega misnotað lík í neðanjarðarlest. Atvikið gerðist í kringum miðnætti aðfaranótt miðvikudagsins 9. apríl, í Manhattan hverfinu.
Að sögn sjónarvotta lést karlmaður að því virtist af náttúrulegum orsökum. Hann hefur ekki verið nafngreindur. Vitað er að hann reykti sígarettu rétt áður en hann missti meðvitund og dó. Hinn látni var alls í um fjóra klukkutíma í lestinni, frá klukkan átta til miðnættis en ekki kemur fram hvenær hann lést.
Eftir andlátið kom aðvífandi annar maður og svívirti líkið á staðnum áður en að sjúkraliðar gátu komið til að fjarlægja líkið. Ekki kemur fram hvað maðurinn gerði en það flokkast sem kynferðisleg misnotkun eða nauðgun á líki. Að því loknu flúði hann af vettvangi og fór út á brautarstöðinni á Whitehall stræti.
Maðurinn er talinn vera tæplega 180 sentimetrar á hæð og vega tæplega 100 kíló. Hann er hvítur en dökkur yfirlitum, með sítt hár og mótað skegg. Var hann í gulri hettupeysu og í svartri úlpu þegar hann framdi verknaðinn. Náðust myndir af honum á öryggismyndavélum.
Ekki er talið að mennirnir hafi þekkst í lifanda lífi. Heldur er ekki talið að náriðillinn hafi átt neinn þátt í dauða mannsins.
Lögregla telur sig vita hver náriðillinn er en nafn hans hefur ekki verið birt. Hann hefur áður komið við sögu hjá lögreglu, er heróínfíkill og hefur lögreglan birt handtökumynd (mugshot) af honum.
Blaðið New York Post birti viðtal við bróður náriðilsins sem sagði að hann hefði setið í fangelsi, fyrir rán eða líkamsárás, en hefði verið sleppt fyrir nokkrum mánuðum síðan. Hann hefði fengið að gista hjá sér síðan honum var sleppt.
„Ég hef ekki séð hann í nokkra daga. Hann fór að verða meira úti á kvöldin. Hann hefur aldrei gert neitt þessu líkt, ekki það sem þeir segja að hann hafi gert. Ég held að hann hafi ekki gert þetta. Hann er ekki þannig persóna,“ sagði bróðirinn, sem er 56 ára gamall. „Þeir sögðu að hann hefði tekið út á sér tólið og sett það í…. ég held að hann hafi ekki gert það. Hann er ekki pervert.“
