Karlmaður á þrítugsaldri var í gær dæmdur í 30 daga skilorðsbundið fangelsi fyrir að hafa gengið berserksgang innandyra á Hótel Stracta á Hellu í janúar árið 2023. Var manninum gert að sök að hafa lamið og sparkað í hurð hótelherbergis og þar innandyra velt innanstokksmunum um koll og sprautað gosdrykk á veggi og yfir gólf. Afleiðingar af þessu voru þær að sjónvarp og stólar brotnuðu og tjón varð á veggjum og gólfteppum. Tjónið var metið á 306.996 kr.

Ákærði mætti ekki á fyrirtæki málsins hjá Héraðsdómi Suðurlands í febrúar og hafði ekki tekið afstöðu til sakarefnis. Málið var því tekið til dóms sem svokallaður útivistardómur, eða með öðrum málum þá dæmir dómari í málinu að ákærða fjarstöddum. Dómari taldi sannað að ákærði hefði gerst sekur um berserksganginn og þar með unnið sér til refsingar. Hafði ákærður áður sætt refsingu vegna umferðar- og fíkniefnalagabrota en sakferill hans hafði ekki áhrif við ákvörðun refsingar.

Þar með væri hæfileg refsing 30 daga fangelsi skilorðsbundið til tveggja ára. Hann sleppur þó við að greiða hótelinu skaðabætur þar sem einkaréttarkrafa þótti vanreifuð.