Í tilkynningu sem lögregla birti á Facebook-síðu sinni kemur fram að svikin lýsi sér þannig að fólk fær send skilaboð frá vinum eða kunningjum þar sem þeir óska eftir símanúmeri.
Í kjölfarið er fólki tilkynnt að það hafi unnið verðlaun í Facebook-leik og þurfi að staðfesta vinninginn með rafrænum skilríkjum. Með þessum hætti hleypir fólk brotamönnunum inn á bankareikningana sína með tilheyrandi afleiðingum.
„Þumalputtareglan er því að senda ALDREI símanúmerið sitt í gegnum Facebook Messenger og samþykkja ALDREI rafræna auðkenningu að beiðni einhvers annars,“ segir lögreglan í tilkynningu sinni.
