Ástralir eru í sárum eftir hræðilega hryðjuverkaárás á Bondi-strönd fyrr í dag þar sem tveir árásarmenn létu skotum rigna yfir gyðingasamkomu. Alls eru ellefu látnir, þar af annar árásarmannanna, en fjölmargir eru að auki særðir eftir árásina.

Það hefur vakið gríðarlega athygli að einn vegfarandi tók til sinna ráða og réðst á einn byssumanninn og tókst að afvopna hann eftir átök. Hefur viðkomandi verið hylltur sem hetja en talið er að hann hafi bjargað fjölmörgum mannslífum með hugrekki sínu.

Ástralskir fjölmiðlar greina frá því að hetjan heitir Ahmed al Ahmed, 43 ára ávaxtasali og tveggja barna faðir. Ahmed var skotinn tvisvar í barningnum og var sendur í aðgerð á nærliggjandi spítala.

Eins og sjá má af myndskeiðum sem hafa farið sem eldur um sinu sést hvernig Ahmed, sem var fyrir tilviljinu á röltinu við Bondi-strönd, laumast að einum byssumanninum, stekkur á hann og nær síðan að afvopna hann.

Í umfjöllun erlendra miðla kemur fram að Ahmed hafi sjálfur enga reynslu af skotvopnum en hann miðaði byssunni um tíma á árásarmanninn sem forðaði sér til félaga síns. Þeir voru síðan yfirbugaðir af lögreglu og lét annar árásarmaðurinn lífið en hinn særðist.

@sydneymorningherald A hero bystander wrestled a rifle off an alleged gunman in a moment of bravery that may have saved lives, footage from the scene at Bondi Beach shows. Follow our live coverage. #bondibeach #sydneynews #sydney #newspurposes ♬ original sound – Sydney Morning Herald