Lögreglan á höfuðborgarsvæðinu óskar eftir að ná tali af mönnunum fjórum á meðfylgjandi mynd vegna máls sem er til rannsóknar hjá embættinu og eru þeir sem hafa upplýsingar um málið vinsamlegast beðnir um að hafa samband við lögregluna í síma 444 1000.
Ef einhverjir þekkja til mannanna, eða vita hvar þá er að finna, eru hinir sömu einnig vinsamlegast beðnir um að hringja í lögregluna, en upplýsingum má jafnframt koma á framfæri í tölvupósti á netfangið abending@lrh.is eða 0803@lrh.is.
Myndin sem lögreglan birtir er unnin eftir upptöku úr öryggismyndavél.
DV greindi frá því á laugardag að nokkrir karlmenn hefði komið í skjóli nætur í flutningafyrirtækið Fraktlausnir við Héðinsgötu í Reykjavík og stolið nokkur hundruð lítrum af díselolíu með því að dæla henni úr tanki eins af flutningabílum fyrirtækisins.
Uppfært fimmtudag 31. júlí kl. 12.07:
Í gær sendi lögreglan út ofangreinda tilkynningu ásamt mynd sem unnin hafði verið eftir upptöku úr öryggismyndavél. Í dag fimmtudag sendi lögreglan frá sér nýja tilkynningu, auk þess að eyða færslu um þá fyrri af Facebook.
Sjá einnig: Lögreglan biðst afsökunar á að hafa dreift falsaðri mynd
Í tilkynningunni í dag biðst Lögreglan á höfuðborgarsvæðinu afsökunar á að hafa „dreift falsaðri mynd af hópi manna sem grunaðir eru um þjófnað á hundruðum lítra af díselolíu frá flutningafyrirtækinu Fraktlausnir. Í gær birti lögreglan myndina og óskaði eftir að ná tali af mönnunum á henni en í ljós hefur komið að um er að ræða skjáskot úr myndbandi úr eftirlitsmyndavéla Fraktlausna en myndinni hafði verið breytt verulega, líklega með aðstoð gervigreindar og var upphaflega birt í Facebook-hópnum Þjófar á Íslandi. Ljóst er að myndin gaf ekki rétta mynd af útliti mannanna sem leitað er að.“
Tilkynning lögreglunnar fer hér á eftir í heild sinni:
Hér er myndin sem lögreglan deildi í gær, en ítrekað er að myndin er fölsuð:
