Hvorki Þorgerður Katrín Gunnarsdóttir utanríkisráðherra né Kristrún Frostadóttir forsætisráðherra hafa fordæmt árásir Bandaríkjamanna og Ísraela á Íran undanfarið. Báðir ráðherrarnir hafa tjáð sig varlega um málið en þó með þeim hætti að koma verði í veg fyrir að klerkastjórnin í Íran komi sér upp kjarnorkuvopnum.

Þorgerður Katrín segir í viðtali við Sýn að lykilatriði sé að halda uppi þrýstingi á klerkastjórnina í Íran og svo hún hverfi frá því að auðga úran til framleiðslu kjarnaorkuvopna. Er hún nokkuð hliðholl Bandaríkjamönnum og Ísraelum í ummælum sínum.

Egil Helgason fjölmiðlamaður varar við þessum málflutningi og minnir á aðdraganda Íraksstríðsins þar sem innistæðulausar fullyrðingar um gereyðingarvopn Íraka voru notaðar sem átylla til að ráðast inn í landið. Egill skrifar á Facebook-síðu sína:

„Held að ríkisstjórnin megi vara sig. Klerkastjórnin í Íran er vissulega andstyggileg og ill tilhugsun að hún komi sér upp kjarnorkuvopnum. En það er ekki hún sem efnir til styrjaldar núna. Má minna á hvernig Íraksstríðið hálfpartinn gerði út af við ríkisstjórn Halldórs Ásgrímssonar. Þannig að ef til vill ættu Þorgerður og Kristrún að fara varlega í stuðningi við Bandaríkin og Ísrael.“