Karl III Bretakonungur tjáði sig um krabbameinsgreininguna í tilefni af boði krabbameinsfélaga til Buckinghamhallar í dag. Hann sagði það hafa verið ógnvekjandi reynslu að fá fréttirnar.

Breska blaðið The Daily Mail greinir frá þessu.

Í febrúar í fyrra var greint frá því að Karl konungur hefði greinst með krabbamein. Meinið fannst þegar hann fór í aðgerð vegna stækkunnar blöðruhálskirtils.

Nú, fimmtán mánuðum eftir greininunga, vitnaði hann í hina látnu baráttukonu Deborah Jones. „Finndu líf sem vert er að njóta, taktu áhættur, elskaðu djúpt, hafðu ekki eftirsjá og vertu ávallt, ávallt með byltingarkennda von að vopni,“ sagði Karl.

Karl, sem er 76 ára gamall, er í meðferð og að sögn bresku krúnunnar er hún að ganga vel. Karl er ekki sá eini í fjölskyldunni sem er að glíma við krabbamein en tengdadóttir hans, Katrín prinsessan af Wales, greindist á svipuðum tíma og Karl.

Sendi hann þakkir og árnaðaróskir til þeirra sem sinna og hjálpa krabbameinsveikum í Bretlandi. 390 þúsund manns fá greiningu á hverju ári þar í landi, meira en þúsund á dag.

„Það er ógnvekjandi reynsla að vera sagt að þú sért með krabbamein,“ sagði Karl. „Bæði fyrir þig og aðstandendur þína.“