Áhöfnin á Verði II, björgunarskipi Slysavarnafélagsins Landsbjargar á Patreksfirði, hefur staðið í ströngu síðan í nótt.

Klukkan tvö í nótt fór Vörður II með lóðs um borð til móts við flutningaskipið Grinna, en skipstjóri þess treysti sér ekki til að sigla skipinu inn án aðstoðar lóðs sökum veðurs. Verða lóðs um borð varð þó ekki til hjálpar, og lónaði skipið fyrir utan Patreksfjarðarhöfn en Vörður hélt í land og var lagstur að bryggju upp úr þrjú í nótt. Grinna komst svo að bryggju í morgun.

Rétt um hálfum sólarhring síðar var áhöfnin aftur kölluð út, núna vegna snurvoðarbáts í mynni Patreksfjarðar. Sá hafði fengið veiðarfæri í skrúfuna og komst hvergi. Rétt fyrir klukkan fjögur í dag var búið að koma taug á milli skipanna og stefnan sett inn til Patreksfjarðar þangað sem skipin voru væntanleg rétt upp úr klukkan fimm.

Meðfylgjandi eru ljósmyndir frá drætti snurvoðarbátsins.