Ásthildur Lóa Þórsdóttir, mennta- og barnamálaráðherra, átti í ástarsambandi við 15 ára pilt þegar hún var 22 ára. Þegar hún var 23 ára og hann 16 ára eignaðist hún með honum son.
RÚV greinir frá þessu.
Ásthildur kynntist piltinum í unglingastarfi trúarsafnaðarins Trú og Líf í Kópavogi sem hún leiddi. Hafði hann leitað þangað vegna erfiðra heimilisaðstæðna.
Í fréttinni kemur fram að barnsfaðirinn, Eiríkur Ásmundsson, segi hana hafa tálmað sig en krafið um meðlagsgreiðslur í átján ár.
Forsætisráðuneytið fékk erindi um málið fyrir viku frá aðstandanda barnsföðursins. Ráðuneytið virðist hafa rofið trúnað því að Ásthildur fékk upplýsingar um inntak erindisins og hver hafi sent það.
UPPFÆRT:
Ásthildur Lóa hefur sagt af sér ráðherraembætti. Hún hyggst sitja áfram á Alþingi.
