Falsfréttasíða netglæpamanna sem þykjast vera fréttastofan BD News 24 í Bangladess fela slóð sína með aðstoð fyrirtækisins Witheld For Privacy. Á síðunni eru brigslað með nafn Sadiu Ayman, frægrar leikkonu þar í landi.
BD News 24, sem flytur fréttir á ensku og bengölsku, greinir frá svikunum. Það er að sett hafi verið upp síða sem látin er líta út eins og fréttasíðan en er haldið út af netglæpamönnum.
Þar eru meðal annars falsfréttir um að leikkonan Sadia Ayman hafi verið kærð af Seðlabanka Bangladess vegna ummæla hennar á netinu.
Var falsfréttinni meðal annars deilt á Facebook undir reikningum sem nú hafa verið teknir niður. Svikasíðan hafði netfangið newsnewsthe.click og þegar klikkað var á hana var notandanum beint inn á síðu sem augljóslega er fjársvikasíða.
Síðan er skráð hjá fyrirtækinu Witheld For Privacy, að Kalkofnsvegi 2 í Reykjavík. Fyrirtæki sem margoft hefur komist í fréttir fyrir að gera netglæpamönnum kleift að fela slóð sína.
Forsvarsmenn BD News 24 hafa sagst ætla að bregðast við þessu. „Það er verið að nota merkið okkar í svikula starfsemi. Við munum bregðast við,“ sagði talsmaður miðilsins.
