Ríkislögreglustjóri, í samráði við lögreglustjórana á höfuðborgarsvæðinu, Vesturlandi, Norðurlandi vestra og Norðurlandi eystra, Vestfjörðum, Austurlandi, Vestmannaeyjum, Suðurlandi og Suðurnesjum lýsir yfir óvissustigi Almannavarna vegna veðurs sem spáð er næsta sólarhringinn.

Óvissustig Almannavarna gildir frá og með klukkan 12:00 í dag og gildir þar til veðrið gengur niður á morgun, fimmtudaginn 6. febrúar. Þangað til annað kemur í ljós.

Í tilkynningu frá Almannavörnum er bent á að veðrið gangi yfir landið á mismunandi tíma með mismiklum áhrifum og er fólk hvatt til að fylgjast með á vef Veðurstofunnar. Auk þess er hægt að fylgjast með færð á vegum á  vef Vegagerðarinnar.

Veðrinu sem er spáð getur valdið miklum samfélagslegum áhrifum og getur valdið tjóni. Einnig getur það haft mikil áhrif á þjónustu, innviði og samgöngur á landi og í lofti.

Næsta sólarhringinn er ekkert ferðaverður og fólk beðið um að fylgjast vel með á vef Veðurstofunnar.

•  Samfélagsleg áhrif á almenning
•  Ekkert ferðaveður
•  Raskanir á samgöngum
•  Foktjón líklegt
•  Útlit fyrir vatnavexti
•  Snjókoma og skafrenningur með lélegu skyggni á ákveðnum stöðum á landinu