Sindra Þór Sigríðarsyni var nýlega sagt upp störfum hjá Tjarnarbíói, en hann hafði starfað þar um nokkurra ára bil, fyrst sem markaðsstjóri og síðar sem framkvæmdastjóri. Vísir greinir frá því að eftir að Sindra var sagt upp vaknaði grunur um hann hefði gerst sekur um fjárdrátt. Tjarnarbíó skoðar nú hvort málið verði kært til lögreglu.

Tjarnarbíó er óhagnaðardrifið leikhús við Tjarnargötu sem nýtur styrkja frá Reykjavíkurborg og er rekið í húsnæði á vegum borgarinnar.

Sindri Þór var áberandi í fjölmiðlum undanfarin ár eftir að tónlistarmaðurinn Ingólfur Þórarinsson, Ingó Veðurguð, kærði hann fyrir meiðyrði. Ingó hafði loks betur í nóvember árið 2023 þegar Landsréttur sneri við niðurstöðu héraðsdóms og gerði Sindra að greiða 900 þúsund krónur í miskabætur og dæmdi fimm ummæli sem Sindri lét falla á samfélagsmiðlum dauð og ómerkt.

Sjá einnig:Ingó lagði Sindra í Landsrétti – Miskabætur og ummælin dæmd dauð og ómerk

Athafnamaðurinn Sverrir Einar Eiríksson hafði líka kært Sindra fyrir meiðyrði en þar hafði Sindri betur.

Sjá einnig:Sverrir tapaði meiðyrðamáli en greiðir Sindra ekki málskostnað – „Menn af því sauðahúsi komast upp með að misnota dómskerfið“