Þetta kemur í kjölfar tíðinda um að Eva Georgs. Ásudóttir, sjónvarpsstjóri Stöðvar 2, er einnig að hætta hjá fyrirtækinu. Hún hefur starfað á stöðinni frá árinu 2005.
Sigrún greindi frá tímamótunum á Facebook.
„Allt hefur sinn tíma og eftir sextán dásamleg ár á Stöð 2 hef ég ákveðið að segja upp störfum og leita á önnur mið. Þið eruð þó ekki laus við mig af skjánum alveg strax því ég er með nýja þáttaröð í vinnslu um stóru augnablikin í lífinu sem mun líta dagsins ljós eftir páska.
Þessi ákvörðun var erfið enda hafa Stöðvar 2 árin verið þau bestu og viðburðaríkustu í mínu lífi og vinnustaðurinn á stóran þátt í því. Ég mun því skilja við hann og samstarfsfólkið með miklum söknuði, en full þakklætis.
Ég þigg allar ábendingar um spennandi störf. Er góð í ýmsu, ágæt í sumu, en ekkert spes í boltaíþróttum.“
Fókus óskar henni velfarnaðar á þessum tímamótum.
