Talið er að allir farþegar, alls 62 talsins, hafi látist þegar brasilísk farþegaflugvél frá flugfélaginu Voepass brotlenti á leiðinni til Sao Paulo fyrr í dag. Daily Mail fjallar um slysið og birtir hræðilegar myndir af stjórnlausri flugvélinni hrapa til jarðar og springa í loft upp. Forseti Brasilíu, Luiz Inácio Lula da Silva, hefur þegar tjáð sig um atvikið á samfélagsmiðlum X og segir allt útlit sé fyrir að enginn hafi lifað slysið af. Þá lagði hann til eins mínútna þögn, hinum látnu til heiðurs.
Alls voru 58 farþegar um borð og fjórir áhafnarmeðlimir en á þessari stundu liggur ekkert fyrir um tildrög slyssins. Flugvélin brotlenti í þéttbýli en einn einstaklingur slasaðist við brotlendinguna.
