Sean Herman, lögreglumaður frá Nashville í Tennessee-fylki Bandaríkjanna, hefur verið ákærður af yfirvöldum ytra fyrir að taka þátt í erótísku myndbandi þegar hann var á vakt í heimabæ sínum. Á hann yfir höfði sér fangelsisdóm vegna gjörða sinna.

Málið vakti nokkra athygli í apríl síðastliðnum þegar upp komst um lögreglumanninn pervertíska. Onlyfans-stjarna að nafni Jordin fékk þá Herman til þess að taka þátt í áðurnefndu myndbandi. Gekk það út á það að Herman stöðvaði för bifreiðar Jordin, þar sem hún sat undir stýri. Gekk myndbandið út á það að Herman hugðist sekta Jordin en hún komst hjá sektargreiðslunni með því að leyfa honum að þukla á brjóstum sínum.

Líklega samþykkti Herman að taka þátt í myndbandinu því að hugmyndin var sú að hann myndi ekki þekkjast í myndbandinu. Þegar hann hins vegar beygði sig fram til þess að nálgast brjóst Only Fans-stjörnunnar  dundi ógæfan yfir. Þá sást glitta örstutt í lögreglumerki hans og það nægði glöggum netverjum til þess að finna út hver maðurinn væri.

Yfirmönnum Herman var ekki skemmt og var hann umsvifalaust rekinn með skít og skömm. Við nánari skoðun hefur svo verið ákveðið að frekari aðgerða sé þörf og nú á Herman yfir höfði sér fangelsisdómi.