Segja má að fremur einfalt hraðakstursbrot bílstjóra á Suðurlandsvegi í aprílmánuði í fyrra hafi dregið langan dilk á eftir sér. Við almennt eftirlit lögreglu við Olís þann 17. apríl 2023 voru höfðu afskipti af bíl sem ekið var á á 79 km metra vegarkafla þar sem leyfilegur hámarkshraði var 50 km á klukkustund.

Ökumaður reyndist vera undir miklum áhrifum kannabisefna og í bíl hans fannst mikið magn kannabisefna í málningardollu og fleiri ílátum. Einnig fannst reiðufé í umslagi, um 500 þúsund krónur.

Lögreglan haldlagði bæði efnin og peningana en lögreglu grunaði að peningarnir væru afrakstur fíkniefnasölu.

Einnig kom í ljós að maðurinn tengdist öðru fíkniefnamáli sem kom upp 28. febrúar árið 2022. Þá var lagt hald á póstsendingu með innanlandspósti vegna kannabislyktar, og hún afhent lögreglu. Sendandinn er sami maður og hér um ræður, ökumaður bílsins sem var stöðvaður á Suðurlandsvegi. Þetta mál var framsent til lögreglunnarr á Suðurlandi þar sem maðurinn er búsettur í umdæmi embættisins.

Lögreglan gerði kröfu um að fá að rannsaka rafrænt innihald snallsíma mannsins vegna rökstudds gruns um að þar sé að finna upplýsingar um fíkniefnasölu og peningafærslur henni tengdri. Byggt er á því að rökstuddur grunur sé um að maðurinn hafi gerst sekur um fíkniefnabrot sem geti varðað allt að sex ára fangelsi.

Af hálfu verjanda mannsins var þessari kröfu mótmælt og byggt á ákvæði stjórnarskrárinnar um friðhelgi einkalífsins.

Héraðsdómur Suðurlands kvað upp þann úrskurð að lögreglan skuli fá heimild til að rannsaka innihald snjallsíma mannsins og Landsréttur hefur nú staðfest þá niðurstöðu. Sjá nánar hér.