Athafnamaðurinn Sverrir Einar Eiríksson hefur auglýst Brim Hót­elí Skip­holti til sölu og er ásett verð 1,1 milljarður króna.

Segir í tilkynningu frá Sverri Einari að tilgangurinn með sölu hótelsins sé að fjármagna fyrirhugaða uppbyggingu þrjú þúsund fermetra hótels í Þrastalundi, með alls 84 herbergjum, en á þeim sælureit hefur Sverrir Einar staðið að veitingarekstri um langt skeið.

„Þetta nýja hót­el verður fyrsta flokks og mun inni­halda stór og rúm­góð her­bergi með stór­kost­legu út­sýni, þægi­legu og hlý­legu um­hverfi, ásamt heilsu­lind með heit­um pott­um og gufu­böðum. Einnig verður að finna lík­ams­rækt­araðstöðu, glæsi­leg­an mót­töku­sal með bar og létt­um veit­ing­um, ásamt góðri aðstöðu fyr­ir starfs­fólk,“ seg­ir í til­kynn­ing­unni.

Þá mun veit­ingastaður­inn Þrasta­lund­ur sjá um veit­ing­ar og morg­un­mat fyr­ir gesti hót­els­ins.

„Þessi ákvörðun mark­ar spenn­andi skref í framtíðar­sýn okk­ar fyr­ir Þrasta­lund. Með hót­el­inu mun­um við skapa full­komna blöndu af lúx­us og nátt­úru­upp­lif­un fyr­ir bæði Íslend­inga og ferðamenn.“

Hér má sjá myndir af hótelinu: