Eins og flestir fjölmiðlar hafa greint frá var framin árás á jólamarkað í Magdeburg í Þýskalandi fyrr í kvöld. Að minnsta kosti 2 eru látnir og um 80 slasaðir. Meðal þeirra heilbrigðisstarfsmanna sem hlúa að slösuðum er hjarta- og brjóstholsskurðlæknirinn Henning Busk sem er íslenskur í aðra ættina og þýskur í hina en hann ólst upp á Íslandi.

Það sem við vitum um árásina í Magdeburg – Íslendingar beðnir að láta vita af sér

Henning starfar á háskólasjúkrahúsinu í Magdeburg. Hann ræddi stuttlega við DV en hafði ekki mikinn tíma til þess og gat ekki svarað mörgum spurningum enda í óðaönn við að reyna að bjarga mannslífum.

Hann segir að nú þegar hafi tekist að bjarga nokkrum sem fluttir hafa verið á háskólasjúkrahúsið:

„Við erum búin að fá til okkar nokkra, sem hægt var að hjálpa.“