Tvær nýjar skoðanakannanir á fylgi flokkanna voru birtar í dag. Annars vegar frá Gallup og hins vegar frá Prósent. Þar má sjá nokkuð ólíkar niðurstöður en könnun Gallup nær yfir lengra tímabil en könnun Prósents.

Niðurstöður Gallup eru eftirfarandi:

• Samfylkingin – 20,8%
• Sjálfstæðisflokkur- 16,4%
• Viðreisn- 15,5%
• Miðflokkur- 14,3%
• Flokkur fólksins- 10,2%
• Sósíalistaflokkur Íslands- 6,2%
• Framsókn – 5,9%
• Píratar – 5,5%
• Vinstri græn – 4%
• Lýðræðisflokkurinn – 1%
• Ábyrgð framtíð – 0,1%

Niðurstöður Prósents, sem voru kynntar í Spursmálum rétt í þessu:

• Samfylkingin – 22,4%
• Sjálfstæðisflokkur- 12%
• Viðreisn- 21,5%
• Miðflokkur- 15,5%
• Flokkur fólksins- 10,2%
• Sósíalistaflokkur Íslands- 5,4%
• Framsókn – 5,6%
• Píratar – 3,4%
• Vinstri græn – 2,4%
• Lýðræðisflokkurinn – 1%

Eins og sjá má mælist fylgi Flokks fólksins það sama í báðum könnunum sem og Lýðræðisflokksins. Framsókn er á svipuðum stað en það munar 0,3 prósentum á könnununum. Hvað varðar Sjálfstæðisflokk og Viðreisn er munurinn þó töluverður. Annars vegar er Viðreisn með 21,5% en hins vegar með 15,5% og Sjálfstæðisflokkurinn mælist hjá Gallup með 16,4% en aðeins 12% hjá Prósent. Nokkur munur er eins á fylgi Pírata sem mælast hjá Gallup með 5,5% en svo með aðeins 3,4% hjá Prósent. Prósent mældi ekki fylgi fyrir Ábyrga framtíð.