73% telja að vinnan verði auðveldari með tilkomu gervigreindar. Þá telja 60% að gervigreind muni gegna lykilhlutverki í að auka jafnvægi milli vinnu og einkalífs, að því er fram kemur í vinnuvísitölu tæknifyrirtækisins HP.

Gervigreind er orðin allsráðandi í nýjustu fartölvunum. Hún lærir á hegðun notanda og bestar frammistöðu tölvunnar hverju sinni, án þess að draga úr afköstum.

Gervigreind verður meginþema á hádegisfundi tæknifyrirtækisins OK sem fer fram í næstu viku. Í tilkynningu kemur fram að þar verður sjónum beint að þeim tækifærum sem gervigreind getur fært fyrirtækjum og fólki yfirhöfuð. 

„Fyrirtæki vilja almennt notfæra sér gervigreind í þrennum tilgangi; bæta innri kerfi og rekstur, auka framleiðni og efla sköpunarkraft starfsfólks og síðast en ekki síst bæta upplifun af blandaðri vinnu (e. Hybrid work). Endamarkmiðið er að skila af sér betri vörum og lausnum,“ segir Gísli Þorsteinsson, forstöðumaður Notendalausna OK.

„Æðstu stjórnendur HP telja að gervigreind verði helsti drifkraftur breytinga næsta áratug og opni meðal annars á nýjar víddir í nýsköpun. Viðskiptavinir OK eru því afar spenntir fyrir viðburðinum og við búum við þann munað að fullbókað er á viðburðinn,“ segir Gísli.

„Við sjáum nú þegar að notkun á gervigreind hefur aukist um 28% hjá sérfræðingum (e. knowledge workers) á einu ári, eða úr 38% yfir í 66%, að því er fram kemur í HP Work Relationship Index 2024. Almennt virðast sérfræðingar, sem nota gervigreind, njóta vinnunnar meira og framleiðni þeirra hefur aukist. Þá eru 73% sammála um að aukinn skilningur á gervigreind geti eflt starfsferil þeirra.“