Frá þessu er greint bæði á mbl.is og á Vísi.is.
Í frétt mbl.is kemur fram að fjögur börn af leikskólanum hafi greinst með sýkinguna og þá hafi fleiri börn komið á bráðadeild Landspítalans þar sem beðið er staðfestingar á því hvort þau séu smituð.
Málið mun vera komið á borð sóttvarnalæknis og segir í frétt Vísis að sóttvarnalæknir hafi látið loka leikskólanum í dag og var foreldrum tilkynnt um hana símleiðis í gærkvöldi. Óvíst er hversu lengi leikskólinn verður lokaður.
Í frétt mbl.is eftir miðnætti í gærkvöldi kom fram að minnst níu börn hafi komið á bráðamóttökuna síðustu tvo daga með möguleg einkenni.
