Það er skemmst frá því að segja að Ísland er í 22. sæti á listanum á eftir löndum eins og Finnlandi, Spáni og Suður-Kóreu en á undan löndum eins og Belgíu, Írlandi og Lúxemborg.
Í umfjöllun miðilsins kemur fram að niðurstöðurnar byggist á spurningalista sem lagður var fyrir um 17 þúsund einstaklinga um allan heim í mars og fram í maí á þessu ári. Komu fleiri stofnanir að gerð listans, til dæmis markaðs- og samskiptafyrirtækið WPP og The Wharton School of the University of Pennsylvania.
Það getur verið vandkvæðum bundið að leggja huglægt mat á hvað það er sem gerir land gott og hvað ekki. Svarendur voru beðnir um að svara ýmsum spurningum um alls 89 lönd, til dæmis varðandi lífsgæði; þá einna helst efnahag, pólitískan stöðugleika, öruggan vinnumarkað, verðlag, jafnrétti og öryggi.
Meðal annarra atriða sem lögð voru til grundvallar voru skattaumhverfi, spilling, menntunarstig, tæknilegir innviðir og tengsl við önnur lönd eða ríki svo nokkur atriði séu nefnd.
Þá er það talið til tekna sé tiltekið land valdamikið og vegna stærðar Íslands þarf ekki að koma mjög á óvart að Ísland skorar heldur lágt þar, eða í 76. sæti. Þegar kemur að lífsgæðum er Ísland í 19. sæti en hæst skorum við í 12. sæti þegar kemur að því sem kallað er „social purpose“. Er þá átt við afstöðu eða umburðarlyndi til mannréttinda, umhverfismála, jafnréttis, trúfrelsis og loftslagsmála svo eitthvað sé nefnt.
1.Sviss
2. Japan
3. Bandaríkin
4. Kanada
5. Ástralía
6. Svíþjóð
7. Þýskaland
8. Bretland
9. Nýja-Sjáland
10. Danmörk
11. Noregur
12. Frakkland
13. Holland
14. Singapúr
15. Ítalía
16. Kína
17. Sameinuðu arabísku furstadæmin
18. Suður-Kórea
19. Spánn
20. Finnland
21. Austurríki
22. Ísland
23. Belgía
24. Írland
25. Katar
80. Úkraína
81. Aserbaídsjan
82. Íran
83. Kasakstan
84. Hondúras
85. Kamerún
86. Alsír
87. Líbanon
88. Serbía
89. Belarús
