Lögreglan á Austurlandi rannsakar nú alvarlegt atvik í heimahúsi á Norðfirði. Tveir hafa verið úrskurðaðir látnir. Einn verið handtekinn í tengslum við rannsókn málsins. Ekki er grunur um að fleiri tengist málinu.

Ekki er hægt að gefa frekari upplýsingar að svo stöddu segir í tilkynningu frá lögreglu.

RÚV greinir frá að eldri hjón hafi fundist látin í heimahúsi í Neskaupstað í nótt. Ekki hefur fengist staðfest hvernig andlát þeirra bar að, en samkvæmt heimildum fréttastofu tók maður bíl hjónanna í nótt.

Viðbúnaður var á Snorrabraut í Reykjavík, en lögregla lokaði umferð við Eiríksgötu á þriðja tímanum og stýrði aðgengi á svæðinu. Einn var handtekinn samkvæmt heimildum fréttastofu.

Hluti Strandgötu, sem liggur í gegnum Neskaupstað meðfram sjónum, var lokaður frá því upp úr klukkan eitt í dag. Þar hefur verið mikil aðgerð í gangi með fimm lögreglubílum og sjúkrabíl eins og segir á vef Austurfrétt. 

Sjá einnig: Í sjokki eftir umfangsmiklar aðgerðir lögreglu við Snorrabraut – „Ég hélt hreinlega að þetta yrði mitt síðasta”

Hefurðu einhverjar frekari upplýsingar um málið? DV tekur við ábendingum á ritstjorn@dv.is. Fullum trúnaði heitið.