Sumarið hefur ekki verið upp á marga fiska suðvestanlands og eru þeir sennilega teljandi á fingrum annarrar handar dagarnir sem hægt hefur verið að njóta sólar lengur en örfáar klukkustundir í senn.

En ef veðurspá Veðurstofu Íslands fyrir morgundaginn gengur upp má búast við sól og blíðu á höfuðborgarsvæðinu þar sem gera má ráð fyrir 15 stiga hita og hægum vindi.

Á vef Veðurstofunnar kemur fram að veðrið á höfuðborgarsvæðinu í dag einkennist af hafgolu eða hægviðri. Það verði skýjað og búast megi við stöku síðdegisskúrum fram á kvöld. Á morgun verði þó bjart með köflum og þokkalegar hitatölur, eða allt að 15 stig.

Annars staðar á landinu verður svalara og skýjað og jafnvel rigning, til dæmis á Akureyri.

Höfuðborgarbúar ættu að nýta morgundaginn vel því á laugardag fer að rigna aftur og er útlit fyrir rigningu að minnsta kosti fram undir miðja næstu viku.

Svona lítur veðurspáin út fyrir morgundaginn á höfuðborgarsvæðinu:

Allt landið á morgun: