Breiðfylking stéttarfélaga innan ASÍ og Samtök atvinnulífsins hafa náð saman um forsenduákvæði varðandi þróun verðbólgu og vaxta.
Morgunblaðið greinir frá þessu í dag og hefur eftir heimildum.
Fundi í Karphúsinu var slitið á áttunda tímanum í gærkvöldi eftir ellefu klukkustunda fund og hefur nýr fundur verið boðaður klukkan 9.
Í Morgunblaðinu kemur fram að öll félögin innan breiðfylkingarinnar hafi skrifað undir samkomulagið nema VR og LÍV en afstaða þeirra mun skýrast fljótlega.
