Höskuldur Þór Þórhallsson, fyrrverandi þingmaður Framsóknarflokksins og núverandi lögmaður, hefur verið áminntur fyrir störf sín sem lögmaður. Vísir.is greinir frá þessu.

Höskuldur hélt eftir fjármunum erfingja í dánarbúi og reyndi að villa um fyrir úrskurðarnefnd Lögmannafélagins, samkvæmt fréttinni.

Höskuldur var skipaður skiptastjóri í opinberum skiptum á dánarbúi konu í júlí árið 2020. Úrskurð í málinu má lesa hér. Höskuldur var sagðir hafa tekið sér óeðlilega háa þóknun fyrir vinnu dánarbúið, ríflega sex milljónir króna sem hann greiddi sér og öðrum aðilum.

Helsta eign konunnar var fasteign í Reykjavík en skiptin tóku um eitt og hálft ár. Höskuldur vanrækti að greiða erfðafjárskatt af eigninni og hélt þeim fjármunum hjá sér. Höskuldur hélt því hins vegar ranglega fram að hann hafi verið búinn að gera upp erfðafjárskattinn þegar kvörtun ættingja þess efnis var send úrskurðarnefnd lögmanna.

Úrskurðarnefndin komast að þeirri niðurstöðu að Höskuldur hefði sýnt af sér ámælisverða hegðun í störfum sínum fyrir erfingja konunnar.